Það sem á daga mína drífur

Jólin búin og komið 2009

Thu, 08 Jan 2009 22:48:53 GMT

Jæja, þá eru jólin búin og komið nýtt ár. 2008 hefur vikið og 2009 komið í staðinn. 2008 var ágætis ár og margt sem stendur upp úr sem væri of lengi verið að telja upp hér en verður kannski gert hér síðar. 2009 sem hefur tekið við er ár sem hefur allt til þess að verða frábært ár og líklega enn betra en 2008. Útskrift á næsta leiti og allt sem henni fylgir og svo nýtt nám í haust ef allt gengur að óskum sem það hlýtur að gera.

Jólin voru fín. Öll fjölskyldan var loksins saman komin og það var æðislegt. Aðalheiður heiðraði okkur með nærveru sinni en hún var ekki um síðustu jól og það var afar skrýtið. Hún var úti á Ítalíu fyrir ári en var mætt aftur. Þrátt fyrir mótþróakast á aðfangadag þar sem hún ætlaði út að skokka rétt fyrir 5 og átti engin hrein föt til að fara í og var í PUMA eða NIKE peysu, man ekki hvort, þá var æðislegt að fá hana aftur og núna voru meiri jól en voru í fyrra þökk sé því. Eftir fínan hamborgarahrygg, þar sem Aðalheiður tilkynnti að hún væri hætt að borða bernaissósu, og n.b. þá var borðuð helmingi minni svoleiðis sósa á jólunum sem hún var úti á Ítalíu en annars, var ís og svo opnaðir pakkanir. Eins og gefur að skilja fækkar pökkunum með árunum en ég var samt mjög ánægður með allt. Fékk bækur, dvd, ilmvötn, liverpoolsparigrís, ísland spurningaspilið, gjafakort í sentrum, prentara sem ég er heavy ánægður með en tekur samt mikið pláss, nammi og geðveikt flotta skyrtu frá Jóhönnu. Eftir þetta tók við næstu daga mikið át og spilastundir með fjölskyldunni sem var helvíti fínt.

Á annan í jólum fór ég á Eskifjörð til Jóhönnu. Ég var samt mjög stressaður að hitta foreldra hennar og ömmu og frændur en það var bara fínt og stressið hvarf mjög fljótt. Þau voru bara alveg æðisleg og litla rassgatið systir hennar er bara mesta dúlla í heimi og var ekkert feimin við mig sem hún er víst yfirleitt og það var algjört æði. Á Eskifirði var bara megakósý, gönguferðir, dvd, góður matur og bara allt til alls. Og já, ferð á eitt ball sem var kannski heldur dýrkeypt vegna heilsuleysis daginn eftir. Fékk skot á mig líka fyrir að halda með Liverpool, en var nú alveg sama um það.

29. des skruppum við heim á Breiðdalsvík og leyfði Jóhönnu að hitta ömmu og afa. Það var bara mjög fínt líka og líkaði gömlu voðavel við hana sem er frábært. Höfðum það voða kósý í Breiðdalsvíkinni og svo fór Jóhanna daginn eftir og gamlársdagur tók við með afmælisboði hjá Aðalheiði og svo samveru fjölskyldunnar og sprengingum, reyndar færri en undanfarin ár. Addi litli er orðinn svo gamall og þroskaður í þetta, hann fíraði þessu samt upp. Svo eftir miðnætti brunuðum við firðina, ég á Eskifjörð og Addi og Aðalheiður í Egilsstaði. Áramótin voru bara fín, góð samverustund með fjölskyldunni og toppuð með því að fara til Jóhönnu. Svo var bara slappað af fram að 2. jan þegar haldið var í borgina aftur.

Í borginni átti ég að þjálfa lið Iðnskólans í Gettu-Betur en það fór eitthvað illa og mikið vesen á því. Auður og Jóhanna fluttu saman niður í bæ og ég var hjá þeim þangað til ég fékk lyklana mína frá Eiríki á mánudeginum. Svo fór ég í atvinnuviðtal í gær í Árbæjarskóla, ákvað að taka ekki vinnuna þegar það var hringt aftur í dag, þar sem hún var 100% og eftir íhugun og ráðleggingar fannst mér það of mikið og vona að það bjóðist eitthvað annað fljótlega. En annars hefur maður það bara gott í borg óttans. Ritgerðin verður kláruð á önninni og verð líklega í einum kúrs líka og vonandi smá vinnu með. Ætla líka að reyna að vera duglegri að elda á þessari önn. Reyna að elda eitthvað gott handa Jóhönnu minni sem oftast og já, reyna að heimsækja afa og ömmu hérna í bænum oftar.

Ef árið 2008 er gert upp á fljótlegan hátt þá má segja að það sem standi upp úr séu síðustu 2 mánuðirnir ásamt sumrinu. Fékk að kynnast Víði t.d. aftur og allir strákarnir voru saman komnir að vinna hjá Málningarþjónustunni sem var alveg frábært og margar góðar minningar af þeim. Auk þess var margt á fyrri helmingi ársins æðislegt. Tyrklandsferðin var fín með pabba og þeim þrátt fyrir smá vesen í henni miðri. Haustið var pínu erfitt og mikið í gangi í hausnum á manni en það lagaðist í lok okt og byrjun nóv. Heilt yfir var þetta bara stórfínt allt saman. Gekk vel í skólanum og þetta fer að klárast svo það er bara að líta mjög björtum augum á framtíðina. En þetta er orðið nógu langt og mikið vesen að koma þessu öllu inn, þar sem þetta hefur dottið reglulega út og svona. En alla vega, þangað til næst.
Biggi´s out

Þorlákur

Wed, 24 Dec 2008 03:16:05 GMT

Ja hérna hér, 4. bloggið í desember. Þetta er held ég bara hreinlega næstum því persónulegt met í einum mánuði án þess að ég hafi nokkra hugmynd um það. En núna er desember alveg að klárast, kannski eins gott að það fari að koma janúar.

Jólastressið hefur náð hámarki á Ásvegi 28. Amma er alltaf bakandi eins og alltaf, þrátt fyrir að vera búin að vera í 2 aðgerðum á höndum í haust. Alveg makalaus kona, ég ber mikla virðingu fyrir henni, og hún hefur verið æðisleg þau 24 ár sem ég hef verið til. Afi er kominn með jólastressið sem einkennir hann þótt að eigin sögn sé hann ekkert stressaður. Það á allt að gerast þegar hann vill og ef það gerist ekki þá verður hann pirraður. En hann segir samt að það séu konurnar á heimilinu sem séu stressaðar og segir að allir aðrir séu stressaðir. Anna Margrét stendur sig eins og hetja í jólagjafapakkingum og öðru jólastússi. Ég var einmitt að enda við að taka herbergið mitt almennilega í gegn, fjöldi ára síðan það hefur verið gert. Margir merkilegir hlutir fundust, m.a. eyrnalokkurinn minn sem ég fékk mér á fylleríi 2001, augnbrúnalokkurinn minn, gamlar lestrarbækur fyrir yngri bekkina sem Anna vildi ólm fá með sér út í skóla. Veit ekkert hvað þetta var að gera í mínum fórum. Einnig "saga" sem ég skrifaði í gamla makkann hennar Önnu þegar ég var líklega svona 13-14 ára, þarf að líta á hana, eflaust bókmenntafræðilegt stórvirki. Það var bara svo margt dót og margar gamlar góðar minningar.

En aftur að jólunum, ég þurfti að pakka nokkrum pökkum inn í bænum og Jóhanna hjálpaði mér við það. En hún gerði meira en það, hún kenndi fatlaða mér að pakka almennilega inn og núna í ár hafa pakkarnir okkar til Önnu Margrétar(þeir einu sem hún pakkar ekki inn) aldrei litið jafnvel út. Ekki amalegt það. En á morgun verður bara gríðarlegt chill held ég, búinn að fara með jólakortin um bæinn og í raun allt tilbúið. Nema ætla að fá fleiri kassa á morgun og koma einhverju fleiru dóti út í bílskúr. Þá fer þetta bara að verða nokkuð fínt hérna hjá mér.

Ég ákvað meira að segja að rífa niður öll plaggötin af veggjunum mínum. Afi spurði furðulostinn hvort ég hefði virkilega hent Liverpoolköllunum í ruslið. Ég sagði bara já, þeir væru hvort eð er allir hættir að spila fyrir Liverpool. Honum fannst þetta merkilegt, en borðinn á veggjunum fer aldrei niður sama hvað það kostar.

Af skólanum er það að frétta að ég fékk 8.5 í Bretlandi á 20. öld og er það helvíti fínt. Þannig að ég er búinn að fá út úr eina prófinu mínu á þessari haustönn, svo veit maður ekki hvað vorönninn býður upp á, annað en að ég ætla mér að útskrifast í júní 2009. Kærkomið fyrir mig að gera það.

Annars er voðalítið meira að frétta, bloggandinn kom bara yfir mig á þessu Þorláksmessukvöldi. Þið megið endilega kvitta ef þið nennið að lesa þetta. Annars sakna ég bara hreinlega allra sem eru ekki á sama stað og ég og hlakka til að sjá ykkur öll. Og óska þeim sem þetta lesa gleðilegra jóla og farsæls komandi árs.
Biggi´s out

Vika í jól

Wed, 17 Dec 2008 19:08:20 GMT

Jæja, alveg þriðja bloggið í desembermánuði. Ástæðan? Jú, ég hef ekkert að gera. Líf mitt í prófavikunum hefur einkennst af massívum prófalestri, lítilli viðveru í Eggertsgötu og rosalegum kósýheitum. Núna er ekki nema vika í aðfangadag og það er ekki laust við að maður sé kominn í jólaskap. Ég af öllum mönnum er kominn í smá jólaskap og aldrei þessu vant var bara gaman að kaupa jólagjafir og pakka þeim inn. Er held ég bara búinn að klára allt og nú tekur við austurferð á morgun og taumlaus hamingja. Kvöldstund í Helgarfellinu annað kvöld og útskrift hjá litlu systu, sem er loksins að klára menntaskólann, á föstudaginn. Óska henni hér með til hamingju með að hafa náð að klára þetta eftir mikla mæðu. Annars átti ég afmæli á mánudaginn og fékk fáránlega margar afmæliskveðjur. Held að þetta aukist bara með aldrinum. Þær voru flestar á facebook en líka í smsi og þessir nánustu hringdu bara og heyrðu já, fékk nokkra kossa líka. Það var afmæli hjá pabba á mánudagskvöldið. Hann var að halda upp á fertugsafmælið sitt sem var 6. des og kom hann með litlu rúsínurnar í borgina, já og Jónínu. Fórum á jólahlaðborð á Hótel Loftleiðir og það var rosalega gott. Verst að maður gat varla staðið þegar það var búið vegna ofáts. Held ég hafi farið einar 5 ferðir allt í allt, en það var þríréttað svo það lítur mun betur út. Fínt að hanga með fjölskyldunni hérna, varð svo bara eftir í Breiðholtinu :) Svo er ég alltaf að skrifa annað slagið á liverpool.is, sem er fínt. Bara þýðingar úr enskum miðlum, aðallega echo og official síðu Liverpool, liverpoolfc.tv. Ég held bara hreinlega að ég hafi ekki verið hamingjusamari í mjög langan tíma, sem er alveg æðislegt og ég ætla bara að vona að það endist sem lengst :) Bara takk allir fyrir að vera til. Jólin verða samt helvíti erfið, söknuðurinn á eftir að verða allt of mikill en maður höndlar það bara. Systkini mín verða vonandi þarna sem mest og þá verður fjör ef ég þekki þau rétt. Þannig að þetta verður rosafljótt að líða. Annars veit ég ekkert hvað ég á að skrifa meira akkúrat núna. Svo.......
Biggi´s out

blogg :O

Tue, 02 Dec 2008 17:16:23 GMT

Ég hef ekki alveg náð að efna fögur fyrirheit um upprisu bloggsins í haust. Mér þykir afar mikið fyrir þessu en býst ekki við að nokkur einasta sála hafi verið sár yfir þessu bloggleysi mínu. Það hefur nú svo sem voðalega lítið gerst þannig lagað. Önnin hefur einkennst af of mikilli leti, en þó ýmislegt gert í skólanum, gleði með strákunum, Roadtrippi í Vogana um síðustu helgi og mörgu fleiri sem tæki tíma að tala um. Maður rankar bara við sér og kominn desember. Tíminn er alveg fáránlega fljótur að líða og enn ein jólin að fara að koma. Ég hef ákveðið að skila ritgerðinni minni í vor til að hafa nægan tíma við þetta, taka sennilega einn kúrs með og finna mér vinnu. Var einmitt að sækja um vinnu sem stuðningsfulltrúi í skóla, ekkert viss um að ég fái hana en allt í lagi að sækja um. Það er líka ekki mikla vinnu að fá á þessum síðustu og verstu tímum, þannig að það er vonandi að maður fái eitthvað. Ég hef svo sem ekkert að segja þannig, vonandi að maður fari að fá bloggandann aftur og geti sagt eitthvað skemmtilegt um jólin. Það er bara voðamikið að fara að bresta á hjá öllum, allir í prófum, ég sjálfur í prófi 10. des og svo bara afmæli hjá pabba og útskrift hjá Aðalheiði svo það er allt að gerast. En ég kveð í bili.
Biggi´s out

Klukkiddíklukk

Tue, 02 Dec 2008 16:38:29 GMT

Hinn fasíski sambýlismaður minn Gunnar Gunnarsson gerði mér þann óleik fyrir dálitlu síðan að klukka mig og ég ákvað að henda mér í það að svara þessu eftir mesta megni. Ég kann honum samt sem áður litlar þakkir fyrir en kannski verður þetta aðeins til þess að vekja þetta sofandi blogg mitt sem átti að vera gríðarlega virkt í haust.

1. Fjögur störf sem ég hef unnið um ævina:
- Málari
- Bréfberi
- Vinna í Sláturhúsinu á Breiðdalsvík
- Afgreiðslumaður í Óskaupum Breiðdalsvík

2. Fjórar íslenskar bíómyndir sem ég held upp á(Hvernig á maður að svara svona þegar maður horfir nánast bara á fótbolta?)
- Dalalíf, Nýtt Líf og Löggulíf
- Stella í orlofi og Stella í framboði
- Brúðguminn
- Englar alheimsins

3. Fjórir staðir sem ég hef búið á
- Ásvegur 28, Breiðdalsvík
- Ranavað 10 Egilsstöðum
- Heimavist Menntaskólans á Egilsstöðum
- Suðurgata 121 og Eggertsgata 32(Stúdentagarðar Rvk), þar áður Spóahólar 16 í Rvk.

4. Fjórir staðir sem ég hef heimsótt í fríum:
- Danmörk(skólaferðalag)
- England(Anfield þar á meðal!)
- Tyrkland
- Belgía, Frakkland og Lúx í sömu ferð.

5. Fjórir sjónvarpsþættir sem mér líkar:(Líkar illa við að viðurkenna þennan flokk)
- Desperate Housewives
- Dawsons Creek
- Næturvaktin og Dagvaktin
- Klovn

6. Fjórar síður sem ég skoða daglega:
- facebook.com
- mbl.is
- fotbolti.net
- liverpool.is

7 . Fernt sem ég held upp á matarkyns
- Svínasíða með pöru
- Nautasteik með piparsósu og bakaðri kartöflu
- Ostakakan mín með marskreminu

- Kjúklingaréttirnir hans Hákonar

8. Fjórar bækur sem ég hef oft lesið:(allt á mínum yngri árum, núna les ég sömu bókina einu sinni hið mesta)
- Íslensk knattspyrna bókaröðin
- Blautir kossar
- Fimmtán ára á föstu
- Tár bros og takkaskór

9. Fjórir staðir sem ég myndi helst vilja vera á núna:
- Á Anfield að fara að horfa á leik með mínu ástkæra liði
- Ásvegi 28 Breiðdalsvík
- Hryggjarselinu
- Í París

10. Fjórir bloggarar sem ég klukka:(Ætla að sleppa þessum lið vegna hættu á líkamsmeiðingum og annars konar ofsóknum)

Hvernig væri að byrja á þessu rugli aftur :)

Tue, 02 Sep 2008 18:58:48 GMT

Er það ekki bara góð hugmynd að byrja á þessu rugli aftur. Æji, ég veit það ekki. Það hefur margt drifið á daga mína síðast, ég varð ekki eftir í London a.m.k. þótt það hefði verið ágætt. Er kominn suður og stefni á að skrifa BA-ritgerð, veit ekki alveg hvort ég ætla að taka einhverja kúrsa með því. Mætti í tíma í einum í dag en álagið virðist vera svo mikið þar að ég veit ekki alveg hvað ég geri. Annars er það bara UMF Hrafnkell Freysgoði sem á hug minn allan næstu mánuðina og vona að þetta eigi eftir að ganga eins og smurt þótt metnaðurinn mætti alveg fara að láta á sér kræla. Það hlýtur að koma að því að hann dúkki upp von bráðar. Annars verður þetta örugglega fínn vetur, nýtt sjónvarp, nýr sími, fínar sjónvarpsstöðvar og BA-ritgerð, getur ekki klikkað. Ég hugsa afskaplega mikið þessa dagana og um allan djöfulinn eins og fyrri daginn. Í sumar hef ég endurnýjað kynnin við marga vini mína sem ég umgekkst lítið síðasta vetur, einfaldlega vegna þess að þeir voru hinum megin á landinu. Auk þess endurnýjaði ég eldri kynni við suma, sem endaði svo á því að verða örugglega minn besti félagi í sumar. Margar ómetanlegar stundir áttum við í sumar, hvort sem það var í vinnunni eða á djamminu. Þessir drengir sem ég vann með ásamt fleirum urðu til þess að sumarið varð með þeim bestu hingað til, og svo voru aðrir hlutir sem urðu til þess að það varð ekki gott að sumu leyti. Ég veit manna best að ég stóð mig ekki vel í samskiptum við fólk í sumar og ég sé mjög svo eftir því, en svona er lífið, maður sér alltaf mistökin eftir á. Eins og ég sagði stóð ég mig ekki sem best, en það fólk sem átti í samskiptum við mig á svipaðan hátt stóð sig ekki vel heldur. Það sem er verst í heimi er að halda að maður hafi einhvern á þeim stað sem maður vill, en siðan kemur í ljós að það var ekkert þar og þá er eins og maður sé hreinlega í lausu lofti. Það hefur gert hluti sem maður bjóst ekki við eða hreinlega trúði þeim ekki til þess að gera og ég veit að ég er ekkert skárri heldur en það sem ég er að tala um. Þetta verður bara til þess að maður verður óöruggur með allt og það sem áður var kletturinn í lífinu verður varla sker sem stendur upp úr sjónum. En það góða sem hægt er að taka úr svona lífsreynslu er það að þetta kennir manni, maður lærir alltaf af reynslunni sama hvernig hún er. Og þetta mun hjálpa til við að móta persónuleikann til framtíðar, hvort sem það verður til góðs eða ills. Jæja, nóg komið af rugli, varð bara að koma einhverju frá mér. Er ekki viss um að það verði aftur, en hver veit.

Biggi´s out

London!

Thu, 04 Oct 2007 11:51:06 GMT

Jæja, ég ákvað að henda einu bloggi hérna inn þar sem ég hef nákvæmlega ekkert að gera. Addi er ekki heima, sennilega í tima ennþá , Gunnar matarfélagi sennilega í tíma, og ég fer ekki í tíma fyrr en 13:10. Á föstudaginn síðasta fór ég til London, vaknaði kl korter í 5 um morguninn eftir sennilega rúmlega klukkutíma svefn og það var ekki alveg laust við það að maður væri þreyttur. Rétt eftir hádegi var maður mættur til London, besta borg í heimi, allir svo æðislegir og ógeðslega kurteisir. Hákon var gríðarlega ánægður með borgina og ég auðvitað líka. Föstudagurinn fór í að surfa Oxford stræti og reyna að versla eitthvað og það tókst að einhverju leyti. Man nú ekki alveg hvort við gerðum eitthvað meira vitrænt á föstudeginum.

Laugardagurinn byrjaði eins og allir aðrir dagar úti á beikoni og eggjum um hálf 9, síðan skelltum við okkur í vaxmyndasafnið og það var alveg æðislega gaman, set inn myndir af þessu öllu saman þegar ég verð búinn að fá þær frá Hákoni, hann tók fleiri en ég svo ég bíð eftir því að fá þær. Eftir hádegið var haldið á Upton park á leik West ham og Arsenal sem var þokkaleg skemmtun, leikurinn samt ekki alveg nógu góður. Gríðarlega margt fólk var þarna og mikil stemming. Um kvöldið fórum við á kínverskan stað sem var frábær, þar sem við fengum nautakjöt sem var kveikt í fyrir framan okkur, mjög spes, en dásamlega gott og þjónustan var alveg til fyrirmyndar. Eftir þetta var kíkt á netið og farið að sofa.

Sunnudagurinn fór í skoðunarferð um London, kíkt í London eye, gríðarlega háa hringekju, og útsýnið af toppnum var gríðarlega flott, sáum m.a. Wembley. Á sunnudeginum var líka farið út að borða á Gaucho, argentínskt steikhús í Regent Street sem var alveg æðislegt og eftirréttirnir frábærir. Vorum mjög heppnir með matsölustaði þarna.

Mánudagurinn var mjög góður einnig, fórum í Brittain at war experience og það var mjög fróðlegt. Eftir matinn fórum við svo í skoðunarferð á heimavöll Arsenal, the Emirates Stadium, sem er mjög flottur, en það var ekki nóg til að maður fór að hallast að Arsenal, Búa frænda til mikillar skelfingar. En völlurinn er örugglega sá flottasti á Bretlandseyjum og öll aðstaða til fyrirmyndar. Fórum svo beint þaðan á White hart lane og eftir mikið vesen í samgöngum náðum við loksins á staðinn, eftir mikinn pirring. Náðum miðunum og stemmingin var gríðarleg enda verið að halda upp á 125 ára afmæli Tottenham og allir fengu fallega fána sem var veifað þarna í gríð og erg. Stemmingin minnkaði þegar Aston Villa voru komnir í 4-1 en á ótrúlegan hátt náðu Tottenham að jafna í lokin 4-4. Leikurinn var ótrúlegur og einn af þeim ótrúlegustu sem maður hefur séð og maður á eftir að lifa á þessu lengi. Eftir leikinn var haldið heim án vandræða, 2ja kílómetra ganga og svo lest. Svo var bara farið að sofa.

Þriðjudagurinn fór í að leggja sig aðeins eftir morgunmat og síðan var farið á Oxford street og klárað að versla allt sem maður þurfti að versla, bæði handa mér og öðrum. Keypti mér 2 jakka, 2 buxur, 2 skyrtur, 2 peysur, 3 fótboltabúninga, nærbuxur og skó og auðvitað ipod :D. Held ég sé ekki að gleyma neinu. Síðan um kvöldið var farið í Jack the ripper skoðunarferð sem var alveg frábær, góður sagnfræðingur sem leiddi okkur um Whitechapel og kom með sína skoðun á hver þessi umdeildi maður var.

Miðvikudagurinn fór í heimferð, farið um hálf 10 út á völl og síðan flogið á Saga Class heim og var það gríðarlega gott, mikil þægindi, um hálf 5 var maður síðan kominn heim í Eggertsgötuna eftir frábæra og mjög vel heppnaða ferð í alla staði. Margt sem stendur upp úr, vondi hamborgarinn á Garfunkel´s fyrsta daginn, skoðunarferðirnar allar, leikirnir, sérstaklega á White hart lane, líka allur góði maturinn. Þetta er eitthvað sem maður á eftir að lifa á það sem eftir er. Samt var nú gott að koma heim og hitta Adda litla, og enn betra verður að hitta Ellen mína um helgina, vona alla vega að ég hafi tíma í það sem ég held ég geri alveg örugglega. Takk Hákon fyrir ferðina, hún var frábær og vonandi förum við bara aftur þangað við tækifæri. Lovjú Ellen og hlakka mikið til að hitta þig :) Þetta er nú samt nóg í bili...þangað til næst.

Biggi´s out

Tilgangsleysi

Tue, 25 Sep 2007 13:41:22 GMT

Þegar maður er latur eins og ég, þá er gott að setja inn tilgangslausan spurningalista inn á bloggið sitt. Ætla samt að koma með megablogg innan tíðar, jafnvel áður en ég fer til London.

1. Hefuru slegið einhvern í andlitið?

2. Hve gamall/gömul ertu

3. Frátekin/n eða einhleyp(ur) ?

4. Borðaru með höndunum eða notaru áhöld?

5. Dreymir þig á nóttunni?

6. Hefuru séð lík?

7. Hefuru óskað þess að einhver deyji?

8. Ertu að fíla Gogga Bush? Nú þegar stöðluðu spurningarnar eru búnar, byrjum á góða stöffinu.

9. Hvaða speki hefuru á lífinu? Tekuru því of alvarlega?

10. Ef þú mættir gera hvað sem er með mér án þess að neinn fengi að vita af því. Hvað myndi það vera?

11. Treystiru lögreglunni?

12. Hlustaru á kántrí?

13. Hvað er þín besta minning sem þú átt með mér?

14. Ef þú gætir breytt einhverju í fari þínu, hvað myndi það vera?

15. Myndiru deita mig?

16. Í hverju sefuru?

17. Hefuru pissað í sundlaug á meðan þú ert ennþá að synda?

18. Myndiru fela sönnunargögn fyrir mig ?

19. Ef ég myndi deyja á morgun. Hvað myndir ÞÚ gera með mér í dag?

20. Hvað finnst þér best um mig?

21. Er ég hot?

22. Hvað er uppáháldsliturinn þinn?

23. Ef þú gætir vakið eina mannveru til lífsins frá dauðum, hver myndi það vera?

24. Segðu mér eina heimskulega / tilgangslausa staðreynd um þig.

25. Muntu endurpósta þessu svo ég geti svarað þér?

sælaaaaaar

Biggi´s out

Lífið er yndislegt

Wed, 05 Sep 2007 21:14:49 GMT

Jæja, þá er maður kominn í Eggertsgötuna og mikið letilíf tekið við, eins og alltaf þegar skólinn byrjar. Þessi vika er nú bara búin að fara mikið í að koma okkur fyrir og redda ýmsum hlutum, höfum samt eldað tvisvar :D og svo kom Steini kallinn í dag en samt sér maður ekki mikið af honum frekar en fyrri daginn. Addi er farinn að keyra í borginni eins og hann hafi aldrei gert annað, lentum reyndar næstum í árekstri um daginn þegar hann var að skipta um akrein en sá ekki bíl sem var á henni þannig að hann var næstum lentur á honum. Greyjið ratar reyndar ekki neitt og náði því að villast frá því að skuttla mér í skólann, hann rataði ekki heim, þennan eina kílómeter eða hvað það er. En komst samt heim að lokum en samt sem áður er þetta ótrúlegt afrek. Maður hefur ekki náð að hitta neitt af Austfirðingunum hérna í bænum, Valur alltaf að gera eitthvað, vinna og skóli, Gunnar Gunnars bara alltaf veikur síðan hann kom, Raggi alltaf að vinna eða í skóla eða heima hjá sér að hjúkra Gunnari, Elli í skólanum og að drekka kókómjólk eða eitthvað álíka gáfulegt, Kjartan líklega vinna og í skóla. Þannig að maður hittir engan hérna, vantar bara Sigga Bogga, allar FIFA stundirnar okkar síðasta vetur voru óborganlegar. Svo erum við komnir með Sýn og Sýn2 þannig að við sjáum allan fótbolta hérna heima sem er mikill munur. Það verður örugglega æðislegt. Það væri samt ágætt að fara að reyna að gera eitthvað annað en hanga heima hjá sér allan daginn, reyndar skruppum við í pool í gær, ég Emmi og Addi og rústaði ég þeim að sjálfsögðu :D, Addi með einhverjar afsakanir alltaf. Það vinnur mig bara aldrei neinn í pool, sorry strákar. Lífið er alla vega mjög svo svipað alla dagana, skóli, éta, sofa, vera í tölvunni. Stefnum á að fara að hlaupa og eitthvað gaman fljótlega og svo í ræktina jafnvel. Er líka að spá í að fá mér annað tattoo og fara í ljós og eikkað. Eitthvað verður maður að gera fyrir sjálfan sig :) Svo er Lundúnaferð á dagskránni 28. sept og verður það gríðarlegt fjör og svo Liverpool í lok okt. Fullt af fótbolta og æðislegheitum. En alla vega þá sakna ég allra fyrir austan mjög svo mikið, taki það til sín sem eiga, þeir eða þau ættu að vita það. En þetta er nóg í bili, fer kannski fljótlega að setja inn nokkrar myndir sem ég tók á leiðinni suður. Ekki margar en samt fallegar :D. Þangað til næst...

Biggi´s out

Hvernig væri nú að vekja þetta blogg upp frá dauðu

Fri, 31 Aug 2007 11:09:32 GMT

Í tilefni þess að ég er að fara suður í skólann aftur hef ég verið að pæla í að vekja þetta blogg aftur upp frá dauðanum sem það stefndi hraðbyri í. Þetta sumar hefur verið ótrúlega fljótt að líða og ótrúlega margir viðburðir sem standa uppúr, ýmist góðir og einnig margir slæmir. En svona er víst lífið, það getur ekki alltaf verið yndislegt og maður verður að reyna að líta á björtu hliðarnar ef maður finnur þær. Heilt á litið hefur þetta sumar verið mjög gott, en með nokkrum undantekningum og þeir sem þekkja til vita hverjar þær eru. Í gær hreinsaði ég út úr bílskúrnum mínum og skilaði af mér til pabba og Jónínu, og eiga þau skildar miklar þakkir fyrir að þola mig enn eitt sumarið og svo verður bara að koma í ljós hvort næsta sumar verði í málningarþjónustunni eða að skrifa BA-ritgerð eða hvað maður verður eiginlega að gera. Það er ekkert ákveðið en málningarþjónustan heillar líkt og alltaf. Á morgun er á dagskránni að fara suður á leið með Adda litla, Gunnari og jafnvel Daníel Richter, þannig að það verður gríðarlegt stuð. Addi ætlar að búa hjá okkur að minnsta kosti til að byrja með, Steini kemur á miðvikudaginn og ég held að þetta verði bara mjög fínt. Svo verður maður að ganga frá áskrift að sýn2 sem fyrst til að við sjáum einhvern bolta. Ég ætlaði bara aðeins að rita hérna nokkur orð til að gefa til kynna að ég væri á lífi. Það verður vonandi meira líf yfir þessu hérna í vetur, jafnvel myndir og læti. Vona að einhverjir skoði þetta ennþá og ef svo er mega þeir endilega kommenta.

Biggi´s out

Long time no see

Fri, 16 Feb 2007 01:03:54 GMT

Þá er dálítið liðið síðan maður reyndi að blogga eitthvað af viti hérna síðast. Síðasta blogg telst nú ekki mikið af viti. En það er ósköp lítið að frétta, annað en að manni líður bara ekki sem best hérna í borginni af ýmsum ástæðum. Maður hefur verið eitthvað down upp á síðkastið. Hver þekkir ekki að líða dálítið illa af ýmsum ástæðum, verða niðurdreginn og sjá ekkert nema slæmt í lífinu. Það hlýtur að koma svona tímabil hjá flestum, og það er bara vonandi að það líði hjá. Sem betur fer á maður einhverja vini sem styðja við bakið á manni í erfiðleikum, og yndislega kærustu sem betur fer, og maður vonar svo innilega að það bitni sem minnst á þeim hvað manni í raun líður illa. Þetta fólk fær mann til að líða betur, þótt það sé ekki nema í smástund, og þá er ekki annað að gera en að hugsa til þess og þá líður manni betur. Samt koma kaflar þar sem maður sér ekki neitt annað en allt það neikvæða, því miður. Stundum vildi maður bara fara eitthvert langt langt í burtu, þar sem manni mundi líða betur, sem betur fer þarf ég ekki að leita langt langt í burtu, heldur bara til Egilsstaða, þar sem mér líður alltaf betur. Svo sækir drunginn yfir mann þegar maður er svona eins og aleinn í heiminum. Ég vona bara innilega að þetta sé tilfinning sem hverfur, en hún hefur hreiðrað um sig og búin að vera í dálítinn tíma, en aldrei jafnsterk og núna. Vonandi kemur betri tíð sem fyrst og maður getur farið að einbeita sér að öllu því sem maður þarf að taka sér fyrir hendur í lífinu.

Biggi´s out

Aðgerð!

Tue, 30 Jan 2007 23:19:27 GMT

Jæja, þá er maður kominn aftur eftir jólafrí. Hef bara ekki nennt að standa í því að blogga. Er alla vega kominn suður og get ekkert sagt að það sé ofurspennandi, en maður verður nú að reyna að klára þennan skóla. Ég hef svo sem ekkert mikið að segja annað en það að maður er að fara loksins að reyna að laga þetta blessaða hné sem ég eyðilagði í sumar og er að fara í aðgerð á morgun og er pínu stressaður eitthvað fyrir því en vona alla vega að það lagist eitthvað. En alla vega Biggi´s out

Jólin koma

Sun, 24 Dec 2006 03:01:36 GMT

Nei góða kvöldið!

Eins og titill bloggsins ber með sér eru jólin að koma. Jólin eru einmitt hátíð þar sem fagnað er komu frelsarans, eða svo halda menn, en kannski kom hann ekkert í heiminn 25. desember. Hvað eru þessi jól? Jú, jólin eru eins konar uppskeruhátíð hjá mannfólkinu, þar sem það gefur hvort öðru gjafir, klæðir sig í fín föt og borðar góðan mat. Sameinast loksins einu sinni á ári, til að njóta samveru fjölskyldu sinnar. Í nútímaþjóðfélagi gefst einmitt ekki oft tími til þess að gera það, þar sem allir eru of uppteknir í lífsgæðakapphlaupinu. Jólin eru því kærkomin til að geta loksins hitt hina fjölskyldumeðlimina og vita hvað þeir hafa verið að gera síðastliðið ár, gera upp árið við þá, því foreldrarnir eru alltaf að vinna og börnin í skólanum og sinna áhugamálum sínum þar á milli og enginn veit neitt hvað hinir hafa verið að gera. Jólin eru yndislegur tími og menn gleyma kannski oft hverju er verið að fagna, er þá hægt að segja að það sé verið að fagna því? Nei, tæplega, þetta er einungis yfirskin fyrir þessa uppskeruhátíð mannsins, þar sem hann verðlaunar sig og aðra fyrir árið og kynnist um leið fjölskyldumeðlimum sínum loksins og hvað þeir hafa verið að gera.

Nóg af þessu, ég hef haft voðalega lítið að gera. Fór í próf á föstudaginn 15. desember, afmælisdaginn minn. Ég fann ekki Eirberg til að byrja með og mætti í prófið 10 mínútum of seint en náði samt að klára prófið, vona að maður hafi bara náð þessu. Það hlýtur að vera, er svo búinn að fá út úr fílunni, fékk 8.5, mjög ánægður með það þar sem ég fékk hærra en Elli, enda var ég örugglega búinn að taka mörg heimspekipróf á undan þessu, en þetta var fyrsta hans. Nóg af prófunum.

Eftir prófið fór maður heim að gera sig kláran fyrir heimferð, og þegar ég kom á flugvöllinn á Egilsstöðum var Helga ástin þar og tók á móti mér, síðan brunuðum við niður í Breiðdalinn fagra með Önnu frænku og Búa frænda sem kom með að sunnan. Þar fékk maður yndislegan mat hjá ömmu og fór síðan til mömmu og fékk mér nokkra öllara með litla brósa, sem átti afmæli 2 dögum á undan mér. Síðan fórum við á rúntinn með Örnu Silju og síðan fórum við Helga bara heim og höfðum það kózý..:D..Var drifinn í bolta á laugardeginum, var ekkert voðalega ferskur en lét mig hafa það. Síðan höfðum við Helga það bara kózý það´sem eftir var dagsins. Á sunnudeginum fórum við svo upp í Egilsstaði með Önnu og mömmu, og ætluðum að vera þar eftir.

Það var alveg frábært á Egilsstöðum og var maður þar frá sunnudegi fram á föstudag, í góðu yfirlæti heima hjá Helgu. Takk æðislega fyrir mig :* til foreldra hennar og systur og auðvitað Helgu sjálfrar. Það var mjög mikið gert þar, en aðallega haft það kózý, ætla ekkert að fara nánar út í þetta... Prófarkalas Snæfell og vann Gunnar Gunnarsson og Kjarra í Trivial, en hafði nú tapað fyrir Gunnari áður, en hafði hann þarna..haha Gunnar. Síðan var farið í mat til pabba og margt fleira, en þetta var alla vega geðveikt fljótt að líða og var alveg æðislegt.

Í gær kom maður svo bara heim í jólastressið, en það hefur nú svo sem engin áhrif á mann. Hef samt tekið eftir því að það er bara kvenfólkið hérna sem er stressað að ráði, sérstaklega mamma, Auður og Aðalheiður, alla vega var eitthvað stress og pirringur í gangi. En svona er þetta bara. Alla vega, nenni ekki að skrifa meira, jólin eru að koma á morgun og það verður örugglega gaman.

Í lokin ætla ég að óska öllum gleðilegra jóla og farsælu komandi ári. Þakka allt liðið og vonandi að allir sem lesi þetta eigi yndisleg jól.

Biggi´s out

Tími á nýja færslu

Mon, 11 Dec 2006 10:18:59 GMT

Þá er maður vakandi rétt rúmlega 10, enginn tilgangur svo sem, annar en sá að ég er að fara í ræktina. Prófin byrjuð, byrjaði á föstudaginn með prófi í heimspekilegum forspjallsvísindum sem var algjört helvíti, en mér fannst ég ganga ágætlega. Vona bara að heimspekiliðinu finnist það líka og leyfi mér að ná þessu til að ég þurfi alls ekki að taka þetta upp. Þetta var nógu leiðinlegt fyrir, skil ekki Ella að hann hafi gaman af þessu, en svona eru menn mismunandi. Mér fannst þetta alla vega alveg drepleiðinlegt.
Helgin einkenndist af leti, boltaglápi og öðru sjónvarpsglápi og jólagjafakaupum, náði að kaupa jólagjöf handa Helgu minni á hálftíma eða eitthvað. Ég var alla vega ánægður með hana, vona að hún verði það líka. Hélt samt að þetta ætti eftir að taka lengri tíma en það tók, en Anna kom með hugmynd handa mér og svo fattaði ég alla vega annað sjálfur. Þannig að takk æðislega Anna :)
Svo er þessi vika bara agalega mikið skipulögð, í dag fer ég í klippingu klukkan hálf 4 upp í Skipholti og jafnvel eitthvað meira ef mér sýnist svo. Á morgun fer ég í viðtal til Sverris Jakobs út af ritgerðaruppkastinu mínu. Er ekkert ofurbjartsýnn þar sem mér fannst þetta uppkast kannski ekkert það besta, en vona að hann seti ekki of mikið út á það. Seinni partinn á morgun fer ég svo í veislu hjá Búa frænda, eitthvað kaffiboð. Og einhvern tíman í vikunni, veit ekki alveg hvenær fer ég að hjálpa Búa að versla jólagjafir. Svo fer ég að laga ritgerðina væntanlega, og læra fyrir próf. Þannig að það verður nóg að gera.
Eina sem kemst að hjá mér núna er samt að koma austur, sem gerist á föstudaginn, sem er einmitt afmælisdagurinn minn. Hlakka svo til að koma austur til Helgu og allra heima. Það verður bara yndislegt. En ætli maður fari ekki að drulla sér til Sigga Bogga, reyna að rífa hann upp úr beddanum.
Biggi´s out full of happiness

prófin að nálgast

Thu, 30 Nov 2006 10:39:56 GMT

Þá eru prófin farin að nálgast, ég fer reyndar bara í 2, en þarf að skila einni ritgerð núna helst sem fyrst ef ég ætla að ná að fara í jólafrí á afmælisdaginn minn eins og ég stefni að. Ömurlegt samt að vera að fara aftur í próf á afmælisdaginn minn, skólinn hefur eitthvað á móti mér, en þetta er samt að komast upp í vana held ég, þannig að maður kvartar ekkert voðalega mikið.
Ritgerðin sem ég er að skrifa er einmitt um mjög áhugavert efni, sem sagt um ættartölur höfðingja, hvort þeir hafi fylgt svipuðu munstri og valdastéttin í Frakklandi að skrifa ættartölur sínar til þess að styrkja og réttlæta völd sín. Það má kannski segja að þeir hafi ekki verið að því kannski nákvæmlega, en að mörgu leyti, með því að sýna fram á völd forfeðra sinna og eins og Haukdælir þá bjuggu forfeður þeirra í Haukadal nálægt allt frá landnámi og voru þeir miklir höfðingjar eins og stendur í Sturlungu. Þetta er sem sagt mjög áhugavert.
Horfði á fótbolta í gærkvöldi, mína menn í Liverpool sem voru afskaplega ósannfærandi og gerðu 0-0 jafntefli á heimavelli við Portsmouth, algjörlega ömurlegt, eini ljósi punkturinn var að tveir ungir strákar komu inn á, Guthrie og El-Zhar. Annar ljós punktur í gær var að Arsenal tapaði, sem skilur þá eftir í nálægt því jafn vondri stöðu og Liverpool. Þannig að það verður örugglega ekki mikil gleði hjá mér og Búa frænda um jólin nema okkar lið fari að girða sig í brók og vinna einhverja nokkra leiki, ekki það að ég sjái fram á það hjá mínu liði, en svona er þetta.
Siggi var að segja mér um daginn að nú ætti að fara að sekta fólk fyrir að nota ekki stefnuljós, það er magnað, góðar tekjur sem ættu að fást að því, sérstaklega hérna í borginni. Það virðast vera afar fáir sem nota stefnuljós að einhverju marki og hinir sem gera það yfirleitt eða alltaf verða þá bara alltaf pirraðir í staðinn, ég meina þetta er nú ekki erfitt, ætti hver sem er að gefa leyft sér þann munað að nota þetta. Veit samt ekki hvort sektir séu rétta málið til að bæta úr þessu, þar sem þær virðast ekkert virka annars staðar, alltaf sama fólkið sem að brýtur lögin sama þótt refsingum sé beitt. En þetta verður bara að koma í ljós.
Nú er verið að fara að selja Ríkisútvarpið eins og margir segja, en það er bara ekkert rétt, á að setja það í hlutafélagsform sem ég held að geri þessari stofnun ekkert verra fyrir. Eitthvað þarf að gera til að Ríkisútvarpið og þá aðallega sjónvarpið verði samkeppnishæft við aðrar stöðvar á markaðnum. Persónulega horfi ég ekki mikið á Ríkissjónvarpið einfaldlega af því að það er ekkert almennilegt að sjá þar, nema kannski ensku mörkin með Bjarna Fel, því hann er langbesti þulur landsins á fótboltasviðinu. Ég er alla vega á því að vont geti ekki lengi versnað, þannig að þessi hlutafélagsvæðing sé bara af hinu góða frekar en hitt en það á eftir að koma í ljós síðar ef af þessu verður, sé alla vega fram á miklar umræður vinstri grænna og annarra í stjórnarandstöðu á móti þessu, málþóf og þess háttar skemmtun. Þetta Alþingi Íslendinga er bara skrípaleikur þegar svona "fjör" byrjar, verður að fara að höggva meira af ræðutíma þingmanna, þetta gengur hreinlega ekki lengur.
En þetta er held ég orðið gott í bili, ætla að fara að skella mér í ræktina með þeim Sigurði og Erlendi, sem er vonandi runnin reiðin út í mig eftir síðastu ræktarferð. En í lokin segi ég bara að ég elska Helgu mína mest í heimi :) og sakna allra fyrir austan mjög mikið, taki það til sín sem telja sig eiga
Biggi´s out